शनि चालीसा – Shani Chalisa

    Shani Chalisa Video in Hindi : शनि चालीसा हिंदी

    Shani Chalisa in Hindi

    दोहा

    जय गणेश गिरिजा सुवन, मंगल करण कृपाल ।
    दीनन के दुःख दूर करि , कीजै नाथ निहाल ॥1॥
    जय जय श्री शनिदेव प्रभु , सुनहु विनय महाराज ।
    करहु कृपा हे रवि तनय , राखहु जन की लाज ॥2॥

    चालीसा

    जयति जयति शनिदेव दयाला । करत सदा भक्तन प्रतिपाला ॥
    चारि भुजा, तनु श्याम विराजै । माथे रतन मुकुट छवि छाजै ॥

    परम विशाल मनोहर भाला । टेढ़ी दृष्टि भृकुटि विकराला ॥
    कुण्डल श्रवन चमाचम चमके । हिये माल मुक्तन मणि दमकै ॥

    कर में गदा त्रिशूल कुठारा । पल बिच करैं अरिहिं संहारा ॥
    पिंगल, कृष्णो, छाया, नन्दन । यम, कोणस्थ, रौद्र, दुःख भंजन ॥

    सौरी, मन्द शनी दश नामा । भानु पुत्र पूजहिं सब कामा ॥
    जापर प्रभु प्रसन्न हवैं जाहीं । रंकहुं राव करैं क्षण माहीं ॥

    पर्वतहू तृण होइ निहारत । तृणहू को पर्वत करि डारत ॥
    राज मिलत वन रामहिं दीन्हयो । कैकेइहुँ की मति हरि लीन्हयो ॥

    वनहुं में मृग कपट दिखाई । मातु जानकी गई चुराई ॥
    लषणहिं शक्ति विकल करिडारा । मचिगा दल में हाहाकारा ॥

    रावण की गति-मति बौराई । रामचन्द्र सों बैर बढ़ाई ॥
    दियो कीट करि कंचन लंका । बजि बजरंग बीर की डंका ॥

    नृप विक्रम पर तुहि पगु धारा । चित्र मयूर निगलि गै हारा ॥
    हार नौलखा लाग्यो चोरी । हाथ पैर डरवायो तोरी ॥

    भारी दशा निकृष्ट दिखायो । तेलहिं घर कोल्हू चलवायो ॥
    विनय राग दीपक महँ कीन्हयों । तब प्रसन्न प्रभु ह्वै सुख दीन्हयों ॥

    हरिश्चन्द्र नृप नारि बिकानी । आपहुं भरे डोम घर पानी ॥
    तैसे नल पर दशा सिरानी । भूंजी-मीन कूद गई पानी ॥

    श्री शंकरहिं गह्यो जब जाई । पारवती को सती कराई ॥
    तनिक विकलोकत ही करि रीसा । नभ उड़ि गतो गौरिसुत सीसा ॥

    पाण्डव पर भै दशा तुम्हारी । बची द्रोपदी होति उधारी ॥
    कौरव के भी गति मति मारयो । युद्ध महाभारत करि डारयो ॥

    रवि कहँ मुख महँ धरि तत्काला । लेकर कूदि परयो पाताला ॥
    शेष देव-लखि विनती लाई । रवि को मुख ते दियो छुड़ाई ॥

    वाहन प्रभु के सात सुजाना । जग दिग्गज गर्दभ मृग स्वाना ॥
    जम्बुक सिह आदि नख धारी । सो फल ज्योतिष कहत पुकारी ॥

    गज वाहन लक्ष्मी गृह आवैं । हय ते सुख सम्पत्ति उपजावै ॥
    गर्दभ हानि करै बहु काजा । सिह सिद्ध्कर राज समाजा ॥

    जम्बुक बुद्धि नष्ट कर डारै । मृग दे कष्ट प्राण संहारै ॥
    जब आवहिं स्वान सवारी । चोरी आदि होय डर भारी ॥

    तैसहि चारि चरण यह नामा । स्वर्ण लौह चाँदी अरु तामा ॥
    लौह चरण पर जब प्रभु आवैं । धन जन सम्पत्ति नष्ट करावैं ॥

    समता ताम्र रजत शुभकारी । स्वर्ण सर्वसुख मंगल भारी ॥
    जो यह शनि चरित्र नित गावै । कबहुं न दशा निकृष्ट सतावै ॥

    अद्भुत नाथ दिखावैं लीला । करैं शत्रु के नशि बलि ढीला ॥
    जो पण्डित सुयोग्य बुलवाई । विधिवत शनि ग्रह शांति कराई ॥

    पीपल जल शनि दिवस चढ़ावत । दीप दान दै बहु सुख पावत ॥
    कहत राम सुन्दर प्रभु दासा । शनि सुमिरत सुख होत प्रकाशा ॥

    दोहा

    पाठ शनिश्चर देव को, की हों ‘भक्त’ तैयार ।
    करत पाठ चालीस दिन, हो भवसागर पार ॥

    ॥इति श्री शनि चालीसा॥

    Read Also

    Shani ChalisaShani Chalisa in HindiShri Shani ChalisaShree Shani ChalisaShri Shanidev ChalisaSunny ChalisaShani Maharaj ChalisaShanivar ChalisaJai Shani Chalisa

    Leave a Reply

    Your email address will not be published. Required fields are marked *